بِسْمِ اللهْ الرَحْمَنْ الرَحِيْمْ
السَلاَمُ عَلَيْكُمْ وَرَحْمَةُ اللهْ وَبَرَكَاتُهْ
فعلاً .. كل من يُعاشر هذا الشعور هو غريبْ ..
كان زمانْ .. كان إلي يسمعْ أغاني .. انسان فاشل .. انسان بليد مشاعر .. انسان ما يدري وشْ وكيفْ رَحْ تكون نهايتهْ .. كانوا الأغلبية يغلبوا القلة على ان مستمع الأغاني ما المفروض انَ احنا نجالسهْ ..
وألحين .. انقلب الحال .. وتغيرت الناسْ 
.. وَصار إلي يسمع أغاني انسان متحضر ومتطور وعيني عليه باردة .. وإلي مايسمع أغاني انسان بدائي وغير حضاري وماله داعي في الحياة ..
<<- ماتسمـــع أغاني .. من وين جاي انننننت 
.. ->> مَنْ يضحك أخيراً يضحك كثيراً 
.. جَدْ .. ماتحسوا الوضع صار مسخرة بزيااااااادة .. والله الناس صارت أحزاب .. والسالفة مالها داعي .. يعني إلي بيسمع أغاني هو حرْ وماحد له دخل فيه .. آخرته ربه إلي بحاسبه واحنا ما المفروض نتدخل في خصوصيات غيرنا .. احنا علينا النصيحة والباقي على الله ..
،،،، > ترى مو ده موضوعنا 
.. هع ، بسمه تعالى .. ببدأ وياكم موضوعنا .. والمقدمة إلي فوق .. اعتبروها مقبلات 
.. أني باقول ليكم كذا موقف .. ومن خلالهم أعتقد انكم بتفهموا قصدي ،، 
الموقف الأول ،، شَبابْ طالعين بالسيارة .. مروا على فلان وعلان .. وتجمعت الشلة .. وشوي إلا واحد ناط ليهم " تعاااااااالوا .. نسينا فلانو ، خلنا نمر عليه " .. أيهو !!!! روح روح .. مانبغاه .. مانبغى مطاوعية .. ألحين نمر عليه ويخرب مزاجنا .. شووووف تبغانا نمر عليه ماعندنا مشكلة .. بس بنشغل أغاني وبنرقص بعدْ .. لهدرجة الغباء وصَل عند البعضْ 
.. تعالوا أي غباءْ .. إلا حقااارة وقلة حيّة 
.. طيبْ وشْ ذنبه هالرجال إلي مايسمع أغانيْ .. ؟ ؟ ؟
طيبْ .. نجي لموقف ثاني ،، :
شبابْ متجمعين في ديوانية .. وواحد منهم مشغل لابتوبه وحاط المايكا على رآسه .. ومن اغنية لأغنية .. ولمه خلص من اللابتوب فلته على صاحبه " وصاحبه كان توه ما صار ليه شيء من قطع الأغاني .. بس ماقال لأحد " .. المهم ، مد ليه صاحبه المايك وقال ليه .. خذ اسمع دي الغناية .. توها جديدة .. وداك مسكين على نياته زل لسانه ، قال ليه " لا خلاص خبرك قديم ، بطلت أغاني " .. وإلا داااك يفجرها ضحكة ..
هيييييييييييييييييييييي ههههههههههه .. وشو وشو ماسمعتْ 
.. وخذ لك الإستلام .. كل مايروحوا مكان ويسمعوا أغاني .. يقوم واحد منهم يقول للبقية " لا شباب .. ترى في واحد ويانا مايسمع أغاني " ..
عااد مرت الأيام والشهور .. وده الرجال إلي قطع الأغاني .. رجع يسمعها ..
ليش ؟؟
مايبغى ليها سؤال .. مسكين صار منبوذ في جماعته .. ويمكن بعد منبوذ في عائلته نفسها .. اذا كانت عائلته من النوع الفري ويا الأغاني ..
ولاتستغربوا إذا شفتوه مايطلع من بيتهمْ ..
^ الرجال تعقد نفسياً .. أصحابه من جهة وبيتهم من جهة .. يعني حتى لو يفكر يقطع الأغاني .. المحيط إلي يعيشْ فيه مارح يشجعه .. بالعكس رح يحبطه .. هع ، ويمكن يتبروا منه ..
معَ انه هو الصح ..
عن جدْ .. صادفتنا مواقف ويا أشخاصْ لو أنا انحطيت في مثل موقفهم ..ماعرفشْ وش كنت باسوي .. الله يبعدنا وإياكم عن هالمواقف 
.. في النهاية .. أنا ما أحب ألتزم بالأسئلة في النقاش .. فـ خذوا راحتكم في السوالف .. وقولوا لينا هل واجهتكم مثل هـ المواقفْ ووشْ موقفكم من إلي يسمع أغاني لو كنت ماتسمع أغاني والعكس .. ووش هي الآثار الجانبية " في نظركم " إلي ممكن يتعرض لها الشخص إلي كان يسمع أغاني وبعد فترة قطعها معَ العلم انَ المحيط إلي يعيش فيه أغلب أفراده من هواة سماع الأغاني ..
ودمتم بحفظ الله .. 
روزه
موضوع: آنَـــا غَرِيْـــبْ فِيْ زَمَنْ الغُرْبــــة ،، 
الخميس أبريل 03, 2008 4:50 pm
